Shkencëtarët në Korenë e Jugut kanë arritur të rrisin qelizat e mishit brenda kokrrave të orizit për të krijuar një vakt të gatshëm 2-në-1. Ata pretendojnë se ky ushqim ngjyrë rozë ka çmim të përballueshëm, i shijshëm dhe miqësor me mjedisin.
Sohyeon Park, i Universitetit Yonsei, Koreja e Jugut, tha: ‘Imagjinoni të marrim të gjitha lëndët ushqyese që na nevojiten nga orizi me proteina të shtuara në qeliza. Orizi tashmë ka një nivel të lartë lëndësh ushqyese, por shtimi i qelizave nga bagëtitë mund ta nxisë më tej atë. Ne zakonisht marrim proteinën që na nevojitet nga mishi, por prodhimi i mishit konsumon shumë burime dhe ujë dhe çliron shumë gazra serë.”
Mishi i kultivuar zakonisht rritet nga qelizat e lopës të përbëra nga xhelatina ose kolagjeni, gjë që e lejon atë të ngjajë me copat e vërteta të mishit. Studimet e mëparshme kanë treguar se është e mundur të krijohen produkte në një laborator që duken përafërsisht si biftekët dhe qoftet e vërteta. Në këtë rast, shkencëtarët zbuluan se kokrrat poroze të orizit, të cilat janë të mbushura me ‘kryqe dhe të çara’, siguruan hapësirën e përsosur natyrore për të rritur qelizat e viçit. Për të krijuar këtë ushqim, ekipi fillimisht mbuloi orizin me xhelatinë peshku – një përbërës i sigurt dhe i ngrënshëm që ndihmon qelizat të ngjiten më mirë në oriz. Muskujt e lopës dhe qelizat staminale të yndyrës u mbollën në oriz dhe u lanë të kultivoheshin në një enë Petri për nëntë deri në 11 ditë.
Studiuesit thonë se produkti përfundimtar është orizi rozë i butë dhe me një shije kremoze, mishtore me nuanca të vajit të bajames dhe kokosit. Park tha: “Nuk e prisja që qelizat të rriteshin aq mirë në oriz. Tani shoh një botë mundësish për këtë ushqim hibrid me bazë drithi.”
