Meta nuk do t’u rekomandojë më përmbajtje politike përdoruesve në Instagram ose Threads, sipas shefit të Instagram Adam Mosseri. Ai tha se përdoruesit do të vazhdojnë të shohin përmbajtje politike nga llogaritë që ndjekin, por aplikacionet nuk do të “nxisin shfaqjen në explore” të postimeve të tilla.
Ndryshimi, i cili do të vijë “gjatë disa javëve të ardhshme“, do të aplikohet në llogaritë publike në vendet ku algoritmet e rekomandimit të Meta sugjerojnë përmbajtje ose postime, si Reels dhe Explore në Instagram, dhe përdoruesit e sugjeruar në Threads. Mosseri nuk dha hollësi se si Meta do të përcaktojë se çfarë llogaritet si “politike”, por një zëdhënës i Meta tha se do të përfshijë tema të lidhura me zgjedhjet dhe çështje sociale.
“Përkufizimi ynë i përmbajtjes politike është përmbajtja që mund të jenë rreth temave që lidhen me qeverinë ose zgjedhjet; për shembull, postime rreth ligjeve, zgjedhjeve ose temave sociale, “tha zëdhënësi. “Këto çështje globale janë komplekse dhe dinamike, që do të thotë se ky përkufizim do të evoluojë ndërsa ne vazhdojmë të angazhohemi me njerëzit dhe komunitetet që përdorin platformat tona dhe ekspertët e jashtëm për të përmirësuar qasjen tonë.”
Dhe pse Meta dëshiron të limitojë shfaqjen e këtyre postimeve në Instagram dhe Threads, do të ofrojë një shërbim për të lejuar rekomandimin e postimeve politike, pra personat që dëshirojnë mund ta aktivizojnë këtë shërbim.
Kompania tha se përditësimi nuk do të ndikojë në mënyrën se si njerëzit shohin postimet nga llogaritë që kanë zgjedhur të ndjekin. “Qëllimi ynë është të ruajmë aftësinë e njerëzve që të zgjedhin të ndërveprojnë me përmbajtjen politike, duke respektuar dëshirën e çdo personi për të,” tha Mosseri.
