Një studim i ri që analizon zakonet e fëmijëve në internet zbuloi se fëmijët e moshës 4 deri në 18 vjeç shpenzonin një mesatare globale prej 112 minutash në ditë në aplikacionin TikTok në vitin 2023, një rritje nga 107 minutat që u regjistruan një vit më parë.
Dhe megjithëse YouTube mbetet aplikacioni më i madh i transmetimit të videove në botë midis kësaj moshe, fëmijët shpenzuan 60% më shumë kohë në TikTok vitin e kaluar. Një tjetër vlerësim i rëndësishëm në këtë studim ishte dhe përdorimi i sistemeve të AI si ChatGPT.
Studimi, i cili merr parasysh zakonet të mbi 400,000 familjeve dhe shkollave në mbarë botën, vjen nga prodhuesi i programeve kompjuterike të kontrollit prindëror Qustodio. Për shkak se ChatGPT nuk u lançua në iOS deri në maj dhe në Android në korrik, Qustodio zgjodhi të vlerësonte vetëm përdorimin e faqes së internetit të OpenAI. Në nivel global, u zbulua se pothuajse 20% e fëmijëve e aksesuan sajtit vitin e kaluar, duke e bërë atë faqen e 18-të më të vizituar për vitin. Në SHBA, 18.7% e fëmijëve e aksesuan ChatGPT, ndërkohë që Australia pa adoptimin më të madh, pasi 24% e fëmijëve e vizituan faqen në 2023.
Gjithashtu fëmijët shpenzuan 27% më shumë kohë duke parë përmbajtje në shërbimet e transmetimit në krahasim me vitin e kaluar, dhe pse shumë nga këto shërbime rritën çmimet e abonimit. Firma zbuloi se fëmijët shpenzuan 4% më pak kohë duke parë Netflix në 2023, 23% më pak kohë në Disney+ dhe 12% më pak kohë në Hulu.
Ndërkohë, YouTube dhe aplikacioni i tij simotër YouTube Kids thyen rekorde, me kohën e shikimit për këtë të fundit që u rrit me 14% globalisht, duke arritur mesatarisht 96 minuta në ditë — shifra më e lartë që Qustodio ka parë që nga fillimi i mbledhjes së të dhënave të saj në 2019. YouTube ishte në 70 minuta, nga 67 vitin e kaluar.
Megjithëse Netflix ngriti çmimet dhe ndaloi shpërndarjen e fjalëkalimeve në vitin 2023, ai mbeti ende transmetuesi i dytë më i popullarizuar në mbarë botën midis fëmijëve, pasi 40% e përdorën shërbimin. YouTube ishte në vendin e parë, me 63% të fëmijëve që e përdorin atë, dhe Disney+ ishte në vendin e tretë, me 20%.
Ndër aplikacionet e lojërave, Roblox ishte më i luajturi, pasi përdoret nga 48% e fëmijëve për një mesatare prej 130 minutash në ditë globalisht, i ndjekur nga Minecraft, Among Us, Clash Royale, Stumble Guys dhe Magic Tiles 3.
