Microsoft sapo prezantoi mundësinë për t’u abonuar në versionin e ri premium për Copilot AI. Ky version i quajtur Copilot Pro është përgatitur për “power users dhe krijuesit ” dhe premton të ofrojë një shërbim më të avancuar në krahasim me nivelit bazë për një tarifë mujore prej $20.
Copilot AI është i aksesueshëm në pajisje të ndryshme, dhe në smartphone-t tuaj, për të ofruar atë që Microsoft e quan një “përvojë e vetme e AI“. Gjatë orëve të pikut, ju gjithashtu keni përparësi në aksesim e GPT-4 Turbo të OpenAI.
I përshtatur për krijuesit dhe koduesit, ai lejon një veçori të përmirësuar të krijimit të imazhit me AI përmes Image Creator – që më parë quhej Bing Image Creator. Microsoft thotë se softueri i ri për krijimin e imazheve është shumë më i shpejtë dhe jep imazhe me detaje më të mira.
Nëpërmjet Copilot GPT Builder – një veçori që do të lançohet së shpejti – Copilot Pro ju mundëson të ndërtoni vetë Copilot GPT me udhëzime mjaft të thjeshta. Kompania nuk na ka treguar një datë për sa i përket disponueshmërisë së GPT Builder.
Një tjetër lajm i mirë përveç aksesimit të aplikacionit në smartphone, është se aplikacioni celular Microsoft 365 do të pajiset gjithashtu me Copilot, duke ju lejuar të eksportoni përmbajtjen tuaj drejtpërdrejt në një dokument Word ose PDF në aplikacion.
