Viti 2023 ishte tepër i suksesshëm për sa i përket kompanive teknologjike, të cilat po tentojnë gjithmonë të krijojnë produkte sa më inovative. Mirëpo disa prej këtyre produkteve që do të listojmë më poshtë ishin pak më të veçanta apo “të çuditshme” dhe për këtë arsye tërhoqën një vëmendje më të madhe nga publiku.
Hybrid Mobility Motor nga Revolute Robotics
Është një robot autonom fluturues, si një kafaz sferik që përdoret për brejtësit që mund të lëvizë në të gjitha drejtimet. E veçanta qëndron në momentin kur roboti ndeshet me një pengesë, të cilën arrin ta kapërcejë duke fluturuar.
Humane Ai Pin u zbulua për herë të parë në konferencën TED në prill 2023, ku bashkëthemeluesi Imran Chaudhri demonstroi disa nga veçoritë e tij, të tilla si kryerja e telefonatave, marrja e përmbledhjeve ditore, skanimi i artikujve ushqimorë dhe projektimi i ekranit jeshil në pëllëmbën e dorës. Shumë persona besojnë se Humane AI Pin ka potencialin që të zëvëndësojë smartphone-t në të ardhmen.
Kompania suedeze Mo’cycle qëndron pas xhinseve të para në botë të pajisura me airbag. Pantallonat Mo’cycle mund të fryhen pas një aksidenti, duke zbutur goditjen e një përplasjeje me motor. Sipas Mo’cycle, xhinset janë po aq të rehatshme sa çdo palë pantallona të zakonshme, por që janë krijuar me material të papërshkueshëm nga uji dhe rezistente ndaj gërvishtjeve. Airbag-i i pantallonave është i padukshëm derisa hapja e tij të shkaktohet nga një rënie.
CudaJet
CudaJet është një pajisje që ju lejon të “fluturoni” nën ujë me liri, dhe në një shpejtësi të jashtëzakonshme. Ka një sistem shtytës të patentuar, një dizajn unik që ofron forcë dhe rehati dhe një kontrollues kompakt dhe ergonomik që ju jep kontroll të qetë dhe të saktë. Është gjithashtu i lehtë për t’u përdorur.
Roboti për pastrimin e tualeteve
Roboti autonom i pastrimit të tualeteve Somatic synon të përmirësojë higjienën dhe efikasitetin e banjove publike. Roboti mund të identifikojë tualetet dhe të kryejë detyra pastrimi si pastrimi, dezinfektimi dhe tharja. Roboti është i pajisur me sensorë, kamera dhe një rezervuar uji dhe mund të kontrollohet nga distanca nëpërmjet një aplikacioni celular.
Një robot që zëvëndëson rojet e sigurisë
Disa kompani kanë filluar të përdorin robotë si roje sigurie të fuqizuar nga AI për të mbajtur bizneset e tyre të sigurta. Cobalt Robotics një kompani që është e specializuar në inteligjencën artificiale dhe automatizimin robotik për kryerjen e detyrave të zakonshme dhe të rëndësishme. Disa nga këto detyra përfshijnë gjëra të tilla si patrullimi i ndërtesave të zyrave për alarme zjarri, aktivitete të dyshimta apo kontrollimi i vizitorëve.
Ky dron masiv që peshon 86 kg ka tetë helika të fuqizuar nga tetë motorë elektrikë dhe tetë bateri të ndërrueshme. Me një karikim të plotë, ju mund të udhëtoni për 20 minuta me një shpejtësi maksimale prej 100 km/h dhe të fluturoni deri në një lartësi prej 450 metrash.
Paul Hodara krijon një gisht prostetik përmes printimit 3D
Një burrë nga Nebraska ka tashmë një gisht prostetik të ri të printuar nga një printer 3D. Para disa vitesh ai kishte humbur gishtin e tij të vogël pas një aksidenti në punë, dhe kostoja për një gisht prostetik shkonte deri në $20,000. Prandaj ai komunikoi me një inxhinier të quajtur Paul Hodara, i cili arriti të krijonte këtë gisht prostetik përmes printimit 3D, dhe ja dhuroi këtij personi pa asnjë pagesë.
Robotët humanoidë
OpenAI, organizata më e avancuar e kërkimit të inteligjencës artificiale që qëndron pas ChatGPT, ka bërë një zbulim rrëqethës me projektin e tij të fundit. Në një partneritet me një kompani robotike, Figure, dy kompanitë teknologjike kanë bashkuar forcat për të krijuar një robot jashtëzakonisht “të frikshëm” që një ditë mund të bëjë të gjitha punët tuaja të shtëpisë.
Roboti i parë që bën masazhe
Phill është roboti i parë masazhues me AI në botë, i cili premton një përvojë jo të zakonshme masazhi të përshtatur për nevojat dhe preferencat individuale. Është projektuar për të qëndruar pranë shtratit tuaj, duke bashkuar më të mirën e dizajnit dhe funksionalitetit, duke qëndruar tepër rehat pa praninë e personave të tjerë në dhomë.
