Nëse merrni pjesë në shumë takime në Zoom ose ju pëlqen të merrni pjesë në eventet familjare përmes videove, ndoshta e dini mjaft mirë se sa e keqe është në të vërtetë cilësia e kameras së laptopit tuaj. Rrallëherë ato kamera të integruara performojnë mirë. Për fat të mirë, ka një zgjidhje për këtë.
Kompania është Opal dhe ata kanë krijuar kamerën Tadpole që vendoset lehtësisht në laptopin tuaj dhe lidhet me USB.
Kamera përdor një sensor Sony IMX582 Exmor RS 48MP, i aftë për të regjistruar video 1080p me një lente xhami me gjashtë elemente për të prodhuar ngjyra sa më të sakta. Kamera në fakt regjistron në 4k, por e zvogëlon atë në 1080p, në mënyrë që të përshtatet me shumicën e programeve të bisedës me video. Tadpole ka një kapëse të rregullueshme, kështu që do të përshtatet në shumicën e ekraneve të laptopëve. Një kabllo premium i endur përdoret për të shmangur ngatërresat dhe për ta bërë atë më fleksibël.
Për sa i përket madhësisë, Tadpole mund t’ju kujtojë iPod Shuffle-in e vjetër – është vetëm një katror 1.2 inç. Opal e quan atë “webkamera më e vogël në botë e krijuar ndonjëherë“.
Tadpole funksionon në MacOS (Mountain Lion ose version i mëvonshëm) dhe Windows (7 ose më i ri). Për sa i përket zërit, Tadpole përdor një VisiMic të drejtuar, i cili kap vetëm tingullin që mund të “shohë“. Çdo tingull jashtë fushës së shikimit të kamerës nuk merret ose regjistrohet. Kjo nuk bëhet me filtrim apo inteligjencë artificiale… thjeshtë fizikë. Kjo gjithashtu do të thotë që Tadpole do të regjistron më pak zhurmë të ambientit, kështu që tingulli juaj do të jetë shumë më i qartë për telefonatat dhe takimet tuaja.
