Instagram po shton disa shërbime të reja në platformë për të përmirësuar eksperiencën e përdoruesve. Ata do të kenë mundësinë të krijojnë stickers të personalizuara që mund t’i përdorin në Reels ose Stories. Të fuqizuara nga modeli i Meta-s Segment Anything AI, stickers mund të krijohen duke ngarkuar fotot ose videot tuaja nga Camera Roll i telefonit tuaj, ose duke zgjedhur nga fotot dhe videot e përshtatshme në Instagram. Modeli i AI ju lejon të “preni” çdo objekt brenda një imazhi me një klikim, i cili është i ngjashëm me funksionin e prerjes së imazhit që debutoi me lançimin e iOS 16 nga Apple.
Më pas prekni “Use Sticker” për të shtuar sticker-in e ruajtur në Reel ose Storie-n tuaj. Përdoruesit do të jenë në gjendje të aksesojnë shërbimin e ri përmes opsionit “Create” që do të ndodhet në rreshtin e kërkimit për stickers ngjitur me opsionin Poll, Add Yours apo Quizz. Duhet të theksojmë se këto stickers të personalizuara do të jenë të ndryshme nga stickers të gjeneruar nga inteligjenca artificiale që i lejojnë përdoruesit të fusin tekstin për të krijuar automatikisht një sticker të ri.
Së bashku me stickers të personalizuara erdhën dhe shërbime të tjera editi si “undo” apo “redo” në Reels, prerjen dhe rrotullimin e videove; apo aksesimin në Media Clip Hub të ri për të krijuar meme duke shtuar klipe me audio në Reels tuaja.
Kompania ka ofruar gjithashtu disa filtra të reja për postimet tuaja, me ndryshime të vogla në ngjyra për t’iu përshtatur stileve të ndryshme, si dhe 6 fonts dhe stile shkrimi të reja.
Ndërsa për krijuesit që dëshirojnë të shikojnë se sa mirë po ecin postimet e tyre, Instagram dhe Facebook po shtojnë një njësi të re matëse të quajtur “Replays”, që kombinohet me “Initial Plays” për të ofruar një numër total “Plays”.
