Të dallosh faktet nga trillimet është sot më e vështirë se kurrë. Në Epokën e AI, është shumë e lehtë të mashtrohesh nga një video ose tekst i rremë i shkruar nga ChatGPT.
Inteligjenca artificiale e ka bërë të vështirë të dallosh materialet reale nga materialet që gjenerohen nga AI dhe shumë persona po ndihen të shqetësuar për teknologjinë e sapolindur dhe mënyrën se si do të përdoret nga njerëzit. Duke lënë mënjanë inteligjencën artificiale, të rriturit në mbarë botën janë tashmë goxha skeptikë ndaj një sërë kompanish, profesionesh dhe institucionesh këto ditë.
“Njerëzit nuk u besojnë aq shumë politikanëve dhe mediave,” thotë Shunichi Uchida, CEO i Ipsos Japan. Në të vërtetë, edicioni i ri i Global Trustworthiness Monitor i Ipsos zbulon se vetëm 14% e pjesëmarrësve, mesatarisht në 31 vende, mendojnë se politikanët në përgjithësi janë të besueshëm dhe vetëm 25% mendojnë se gazetarët janë të besueshëm.
Nëse përdorimi në rritje i teknologjisë në zhvillim do të sjellë nivele të besimit edhe më të ulëta në vitet në vijim, mbetet për t’u parë. Ajo që kemi parë tashmë është kur ndodhin ngjarje të mëdha, që nga ish-presidenti i SHBA-së, Donald Trump, që pretendoi se zgjedhjet presidenciale të vitit 2020 u vodhën, tek pushtimi i Ukrainës në vitin 2022, deri te lufta Izrael-Hamas këtë muaj, keqinformimet dhe falsifikimet e rreme u përhapën në mënyrë të menjëhershme në internet.
Më poshtë, ne shikojmë se si ndihen njerëzit në 29 vende për lajmet e rreme, mashtrimet dhe dezinformatat në këto kohë të tensionuara. Nga ana tjetër, dy në tre persona janë të sigurt se mund të dallojnë faktet nga trillimet. Koreja e Jugut (45%) dhe Japonia (34%) janë të vetmet vende ku më pak se gjysma pajtohen me deklaratën: “Kam besim se mund të dalloj lajmet e vërteta nga lajmet e rreme“.
Sipas analizës është zbuluar se 74% e pjesëmarrësve në pyetësor mendojnë se inteligjenca artificiale po e bën më të thjeshtë krijimin e historive dhe imazheve të besueshme, kur në fakt ato janë të rreme.
