Këto janë 4 prezantimet kryesore të bëra gjatë eventit “Scary Fast” të Apple

Gjatë eventit “Scary Fast” të organizuar me 31 tetor, Apple prezantoi disa Mac tërësisht të rinj që vijnë të pajisur me versionin më të fundit të çipit të zhvilluar nga vetë kompania. Nëse jeni kurioz për të mësuar më tepër rreth produkteve të reja, më poshtë do të keni një përmbledhje të prezantimeve kryesore nga eventi.

Proçesorët e rinj M3      

Siç pritej, proçesori M3 i Apple ishte në qendër të vëmendjes të këtij eventi. Kjo seri e re përfshin M3, M3 Pro dhe M3 Max, të cilat Apple thotë se janë “çipet e para të kompjuterave” të prodhuar duke përdorur proçesin më efikas 3nm.

Përveç ofrimit të një “CPU më të shpejtë dhe më efikas“, treshja e çipave vjen me një GPU të përmirësuar që mbështet ray-tracing, mesh shading dhe “Dynamic Caching” – një veçori që optimizon sasinë e memories që përdor pajisja gjatë kryerjes së detyrave të ndryshme. Çipat M3 të Apple ofrojnë deri në 128 GB memorie të unifikuar, me çipin më të fuqishëm M3 Max që vjen me deri në 92 miliardë transistorë, një GPU me 40 cores dhe një CPU me 16 cores.

iMac i rifreskuar 24 inç me një proçesor M3

iMac i ri 24 inç po përmirësohet me proçesorët e rinj M3, dhe Apple thotë se ofron performancë dy herë më të shpejtë se paraardhësi i tij i pajisur me M1. Së bashku me çipin e ri, iMac i rifreskuar përmban një ekran Retina 4.5K me më shumë se 1 miliard ngjyra, mbështetje për Ëi-Fi 6E dhe një kamerë 1080p. iMac ofron gjithashtu deri në 24 GB RAM dhe vjen në shtatë ngjyra: jeshile, e verdhë, portokalli, rozë, vjollcë, blu dhe argjend. Ka edhe aksesorë të përputhur me ngjyra që vijnë me iMac, por ato ende kanë kabëll Lightning. IMac 24 inç kushton $1,299 me një CPU me tetë cores ose $1,499 me një çip 10 cores. Porositë kanë nisur që ditën e sotme, ndërkohë që produkti do të vijë drejt klientëve duke filluar nga 7 nëntori.

MacBook Pro 14 dhe 16 inç me proçesorët M3

iMac nuk është e vetmja pajisje që do të përfitojë nga aftësitë e procesorit M3. Apple njoftoi gjithashtu një çift të ri modelesh MacBook Pro 14 dhe 16 inç që vijnë me çipin M3 Pro ose me modelin më të lartë M3 Max. Të dy laptopët kanë një ekran mini LED, një kamerë 1080p, një sistem audio me gjashtë altoparlantë, 22 orë jetëgjatësi të baterisë dhe deri në 128 GB RAM.

Ato janë gjithashtu të disponueshme në ngjyrën Space Black me një proces të ri anodizimi që supozohet të ndihmojë në reduktimin e gjurmëve të gishtërinjve, si dhe një opsion argjendi. Ndërsa MacBook Pro 14 inç me një çip M3 Pro fillon nga $1,999, modeli 16 inç M3 Pro fillon nga $2,499. Këto modele MacBook Pro janë të disponueshme për t’u porositur paraprakisht sot dhe do të bëhen të disponueshme më 7 nëntor.

Një MacBook Pro i ri pa Touch Bar

Apple prezantoi gjithashtu një MacBook Pro më të lirë 14 inç që vjen me çipin bazë M3 dhe fillon nga $1,599. Pajisja zëvendëson MacBook Pro 13 inç me një çip M2 që Apple prezantoi vitin e kaluar dhe ofron performancë që është deri në 60% më e shpejtë. Ndryshimi kryesor në këto pajisje do të jetë mungesa e Touch Bar, një shërbim që është larguar njëherë e mirë.

Në fund të eventit, CEO i Apple, Tim Cook shprehu mirënjohjen për audiencën dhe në ekran u shfaq një mesazh, ku thuhej me krenari, “Ky event u xhirua në iPhone dhe u modifikua në Mac“, shoqëruar me një mohim që specifikonte se “Të gjithë prezantuesit , vendndodhjet dhe pamjet me dron janë regjistruar duke përdorur një iPhone 15 Pro Max.”