WhatsApp njoftoi sot se po ofron mundësinë që përdoruesit të përdorin dy llogari në të njëjtin smartphone. Kjo do të thotë që mund të kaloni nga njëra llogari në tjetrën brenda aplikacionit të WhatsApp.
Mark Zuckerberg e bëri këtë gjë të ditur përmes një postimi në Facebook ku tha se shërbimi do të vijë së shpejti për përdoruesit e Android. Historikisht, njerëzit duhej të mbanin dy telefona për të përdorur dy llogari WhatsApp. Tani, kompania po bën të mundur përdorimin e vetëm një telefoni për dy llogari.
Ekzistone gjithashtu një tjetër mundësi për të përdorur dy llogari në një smartphone, që bëhej e mundur nga klonimi i aplikacioneve. “Tepër e nevojshme për navigimin mes llogarive të ndryshme – si përshembull në numrin tuaj të punës dhe numrin personal – tani nuk keni më nevojë të bëni log out çdo herë, të mbani dy telefona ose të shqetësoheni për mesazhe nga vendi i gabuar”, tha kompania në një postim në blog.
Përdoruesit mund të shkojnë te Settings > Add Account për të shtuar një llogari të dytë. Gjatë konfigurimit, do t’ju duhet një telefon i dytë me SIM ose një telefon me aftësi eSIM. Kompania tha që ju do të jeni në gjendje të menaxhoni njoftime të veçanta dhe cilësime të privatësisë për secilën llogari.
Në fillim të kësaj jave, WhatsApp prezantoi dhe mbështetjen e passkeys për versionin Android, në mënyrë që përdoruesit të mund të identifikohen në aplikacion pa nevojën e two-factor authentication.
