Një raportim i kohëve të fundit thotë se Call of Duty 2024 do të shfaqë harta të vjetra në kategorinë multiplayer, lojë e cila do të vijë pas Modern Warfare III që sjell të gjitha hartat nga Modern Warfare 2 të 2009-ës.
Insider-Gaming shpërndau një postim të fshirë tani nga CoD Perseus në X, duke theksuar se WMD nga Black Ops dhe Grind nga Black Ops 2 do të shfaqen në Call of Duty 2024. Insider-Gaming shtoi se burimet thonë se më shumë harta nga lojërat e mëparshme Black Ops janë në zhvillim edhe për lojën, e cila është zhvilluar nga Treyarch. Nuk dihet nëse loja e paparalajmëruar do të ofrojë vetëm harta të rinovuara në fillim ose do të bashkojë dhe hartat e reja.
Modern Warfare 3 do të ofrojë 16 harta të rinovuara nga Modern Warfare 2 i 2009-ës kur të dalë më 10 nëntor. Kështu që Call of Duty 2024 mund të jetë loja e dytë në seri që mbështet hartat e vjetra në një lojë të re. Kjo strategji ndihmon kompaninë në uljen e kohës së zhvillimit për ekskluzivitetin vjetor.
Kjo nuk është hera e parë që publikohen informacione jo zyrtare në lidhje me Call of Duty 2024. Vitin e kaluar, një raport sugjeroi se loja do të jetë në lidhje me Luftën e Irakut, si dhe ndoshta duke përshkruar Betejën e Mogadishu (dramatizuar në Black Haëk Doën). Imazhet e para nga Call of Duty 2024 gjithashtu supozohet se dolën në korrik 2022 nga skedarët e gjetur në Call of Duty: Warzone Mobile.
Në fillim të këtij muaji, Activision konfirmoi se rrugëtimi i Call of Duty ishte hartuar deri në vitin 2027. Megjithatë, këto plane mund të ndryshojnë pasi Microsoft më në fund bleu Activision Blizzard.
