Adobe do të prezantojë një shërbim të ri editimi AI që do të revolucionarizojë produktet e kompanisë

Adobe do të prezantojë një shërbim të ri për editimin e fotografive përmes AI në eventin Adobe Max javën e ardhshme, që do ta bëjë shumë më të lehtë eksperiencën e editimit.

Sipas një videoje promocionale, motori i editimit i quajtur Project Stardust identifikon automatikisht objektet individuale në fotografitë e zakonshme, duke i lejuar ato të lëvizen dhe ndryshohen lehtësisht. Është i ngjashëm me Magic Editor të Google të prezantuar në telefonat e tij të rinj Pixel, por me sa duket më i fuqishëm.

Një demonstrim i shpejtë i softuerit të ri tregon se si objektet në një fotografi – të tilla si valixhja e verdhë dhe hija e saj në imazhin e shembullit – identifikohen automatikisht dhe zgjidhen sikur të ishin ndarë duke përdorur shërbimin lasso të Photoshop. Më pas, klipi demonstron se si objektet mund të zhvendosen, fshihen ose manipulohen ndryshe sikur të ishin ruajtur në një layer të veçantë, me hapësirën që mungon pas tyre duke u plotësuar automatikisht për t’u përshtatur me pjesën tjetër të imazhit.

Project Stardust përfshin diçka të ngjashme me “Contextual Task Bar” që u prezantua në Photoshop në fillim të këtij viti, i cili mund të zbulojë automatikisht hapat e ardhshëm në procesin tuaj të dizenjimit dhe t’ju lejojë të bëni modifikime të shpejta.

Në videon demonstruese, zgjedhja e një turme njerëzish të paqartë në sfondin e imazhit shfaq një buton “remove distractors” në taskbar, i cili fshin automatikisht turmën kur klikohet. Në një klip tjetër, i njejti shërbim AI përdoret për të zëvendësuar artikujt individualë të veshjeve në një model duke zgjedhur artikullin (për shembull, një xhaketë ose atlete) dhe më pas duke përshkruar një pjesë të re veshjeje për t’u futur.