Valve i befasoi të gjithë kur njoftoi në fillim të këtij viti se po krijonte Counter-Strike 2 – dhe pas muajsh testimi të kufizuar, tani është i disponueshëm për lojtarët e PC përmes Steam. Lajmin e ka bërë të ditur kompania me një trailer të ri, të cilin mund ta shikoni më poshtë.
Ekzistenca e Counter-Strike 2 u lajmërua në mars të këtij viti. Duke u fuqizuar nga Source Engine 2, i njëjti motor i përdorur në lojëra të tjera Valve, duke përfshirë Dota 2 dhe Half-Life: Alyx, Counter-Strike 2 nuk është një lojë e veçantë, por një përditësim i madh falas për Counter-Strike: Global Offensive.
Siç e kemi parë më parë, Counter-Strike ofron prëmirësime të shumta grafike, ndërsa shton përmirësime dhe ridizenjime në hartat e lojës. Më e rëndësishmja, Counter-Strike 2 prezanton mundësinë që lojtarët të rimbursohen nëse blejnë aksidentalisht një armë që nuk e dëshironin apo artikullin e gabuar.
Counter-Strike: Global Offensive u prezantua fillimisht në 2012, dhe pavarësisht se është mbi një dekadë e vjetër, ajo mbetet një nga lojërat më të njohura për PC në platformën dixhitale të Valve, Steam. Duke qenë një lojë e mirë, aftësia e CS:GO për të qëndruar për një kohë kaq të gjatë në listën e lojrave më të preferuara të fansave në Steam ndihmohet edhe nga fakti që loja u ofrua falas në fund të 2018.
