Përdoruesit e iPhone 15 do të jenë në gjendje të kontrollojnë numrin e cikleve të baterisë për herë të parë, sipas informacioneve të reja të shpërndara në X.
Metodat e mëparshme për të kontrolluar numrin e cikleve të baterisë së një iPhone ishin jozyrtare (nëpërmjet aplikacioneve të palëve të treta) ose të komplikuara, të tilla si kopjimi i analizave në Notes dhe kërkimi për “last_value_CycleCount“.
Sipas një screenshot të shpërndarë nga @Tech_Reve, informacioni i ciklit të baterisë është i dukshëm në modelet e iPhone 15 thjesht duke shkuar në Settings, General dhe About. Një seksion i ri në “Battery” është i pranishëm në fund të faqes. Përveç numrit të cikleve të baterisë, ai gjithashtu rendit datën e prodhimit dhe datën e përdorimit të tij të parë.
Ndërsa Battery Health ka qenë i dukshëm në iPhone për disa vite në formën e përqindjes, aftësia për të parë numrin specifik të cikleve të saj është një statistikë shtesë e vlefshme për të përcaktuar gjendjen e saj. Një cikël ngarkimi regjistrohet sa herë që bateria shkarkohet nga 100% në 0% (nuk ka rëndësi nëse ju e karikoni smartphone-in para se bateria të shkojë në 0%).
Në MacBooks Informacioni i ciklit të baterisë mund të arrihet lehtësisht duke shkuar në System Information. Apple prezantoi gjithashtu dhe një shërbim të ri rreth baterisë, duke limituar karikimin e baterisë deri në një përqindje që ju dëshironi për të mbrojtur shëndetin e saj.
