Apple ka një reputacion si lider në industrinë e telefonave inteligjentë, por ky reputacion mund të jetë në rënie, sipas disa personave. CEO i Honor, George Zhao, kritikoi Apple në një intervistë, duke thënë se vetëm rritja e performancës dhe cilësisë së kamerës nuk mjafton.
Megjithatë ai beson se seria e iPhone 15 do të ketë shitje të mëdha, edhe pse nuk ka shumë inovacion. Një prodhues i smartphone-ve Android nuk mund të jetë i befasuar me një USB-C dhe një lente periskopike, sigurisht. Por Zhao me komentet e tij po lë të kuptohet për segmentin ku Apple mund të jetë më pas se smartphone-t Android, pra ato të palosshëm.
Ndërkohë, konkurrenca ka kaluar nëpër disa gjenerata të telefonave të palosshëm me përmirësime të mëdha gjatë viteve të fundit. Kjo përfshin dhe Honor, e cila tregoi konceptin e çuditshëm Honor V Purse dhe planifikon të lançojë pajisjen në Kinë. Dizajni i “çantës” duket më shumë si një teknikë për të tërhequr vëmendjen, pasi vlera e vërtetë e V Purse është se është një smartphone i palosshëm nga jashtë dhe është super e hollë – vetëm 9 mm kur mbyllet.
Prej kohësh përflitet se Apple po punon në krijimin e prototipeve të palosshme, por asgjë nuk duket të jetë afër. Një nga raportet më të fundit sugjeroi që Apple po ndërton një laptop të palosshëm – një që do të prezantohet në vitin 2025 dhe do të vijë në treg një vit më pas.
Është folur edhe për iPhone dhe iPad të palosshëm, sigurisht, por edhe ato duken vite larg.
