Eventi i rradhës nga Apple me shumë mundësi do të zhvillohet më 13 shtator, një ditë e mërkurë. Ky mendohet se do të jetë eventi ku Apple planifikon të prezantojë serinë e re të iPhone 15.
9to5Mac mësoi nga burime të shumta se “operatorët celularë u kanë kërkuar punonjësve të mos marrin ditë pushimi më 13 shtator për shkak të një prezantimi të madh për smartphone“, që ndoshta është njoftimi i iPhone 15.
Ndërsa ngjarjet e Apple zakonisht zhvillohen të martën, nuk është gjithashtu e pazakontë që kompania të mbajë një fjalim kryesor të mërkurën. Për prezantimin e iPhone 14, eventi u zhvillua të mërkurën. Nëse burimet e Filipe Espósito janë të sakta, iPhone 15 do të prezantohet pas ekzaktësisht 41 ditësh.
Përveç serisë së re të iPhone, pritet që të prezantohen modelet e reja të Apple Watch dhe më shumë produkte të tjera.
Pritet që këtë vit, të katërta opsionet që do të prezantphen nga Apple do të pajisen me Dynamic Island.Ndërsa modelet e zakonshme do të përdorin çipin A16 Bionic dhe një sensor kamere 48MP, versionet Pro pritet të fuqizohen nga proçesori A17 Bionic, të kenë korniza ultra të holla, një lente periskopi në Pro Max dhe një bateri me kapacitet më të madh.
Përditësimi vjetor i Apple Watch nuk do të jetë aq i madh sa ai i vitit të kaluar, por të paktën thuhet se Apple do të sjellë një procesor të ri S9 për ta bërë këtë pajisje më të shpejtë. Mun të presim opsione prej alumini dhe çelik inox 41 mm dhe 45 mm. Një Apple Watch Ultra i ri gjithashtu mund të prezantohet.
Për më tepër, analisti Ming-Chi Kuo beson se Apple do të përfshijë USB-C për AirPods Pro 2 gjatë eventit në shtator.
