Gjatë 6 viteve të fundit kemi dëgjuar shpesh herë raportime që tregonin se Nintendo po përgatitej që të prezantonte gjeneratën e re të konsolës Switch. Megjithatë, duket se një gjë e tillë do të vijë më në fund në vitin e ardhshëm, sipas raportimeve nga VGC.
Konsola e re mund të vijë me një ekran LCD më të lirë në vend të një ekrani të nivelit më të lartë si ai OLED dhe të vazhdojë të përfshijë një vend për futjen fizike të lojërave. Drejtuesit e Nintendo gjithashtu shpresojnë që prezantimi në vitin 2024 do të sigurojë që konsola nuk do të ketë probleme me inventarin, si ato që vështirësuan prezantimin e Xbox Series S / X dhe PlayStation 5.
Shitjet e Switch kanë rënë disi gjatë kohëve të fundit, duke reflektuar “moshën“ e konsolës dhe konkurrencën e fortë me Xbox, PlayStation dhe Valve Steam Deck më të fuqishëm. Bloomberg raportoi se Nintendo ishte duke punuar për të krijuar një konsolë me ekran 4K në vitin 2020, por kompania i mohoi këto pretendime.
Nintendo prezantoi OLED Switch në vitin 2021, por përveç përmirësimeve në ekran, nuk pati përmirësime të tjera në hardware ose software, duke e bërë atë thjesht një Switch më të shndritshëm. Sipas burimeve të VGC, developer kits për konsolën e re Nintendo janë tashmë pranë zhvilluesve, dhe Nikkei Asia raporton se zhvillimi në konsolën e re ka “përparuar mirë“, por nuk ka asnjë fjalë nëse kjo konsolë do të përfshijë rezolucionin 4K, ndonjë përmirësim në hapësirë ruajtëse ose fuqi përpunuese.
Kanë kaluar tashmë shtatë vjet që nga lançimi i Switch, tashmë një periudhë më e gjatë se gjashtë vitet midis Wii dhe Wii U – dhe më shumë se pesë vitet midis Wii U dhe Switch.
