Vivo po punon për të fuqizuar gjeneratën e ardhshme të telefonave me sensorë të personalizuar kamerash për të ofruar një fotografi sa më cilësore. Kompania sapo zbuloi se ka bashkëpunuar me divizionin Lytia të Sony për të krijuar një version të personalizuar të sensorit LYT800 për serinë vivo X100.
LYT800 përdor dizajnin e mbivendosur të Sony, i cili ndan fotodiodat dhe transistorët që i lexojnë ato në dy shtresa (normalisht ato janë krah për krah). Kjo hap më shumë hapësirë në mënyrë që sensori 1/1,43” Lytia LYT800 të ketë një performancë në dritë të ulët të ngjashme me sensorët 1”. LYT800 do të ketë një rezolucion 53MP.
Gjithashtu vivo ka bashkëpunuar dhe me Zeiss për të krijuar lenten telephoto Vario-Apo-Sonner për serinë X100, që do të bëjë të mundur fokusimin në një distancë më të afërt. Kompania gjithashtu prezantoi V3 ISP, një çip 6nm me aftësi të avancuara të proçesimit të fotografive si dhe mbështetje për regjistrimin e videove në portrait mode në 4K.
Specifikimet për vivo X100 janë bërë leak në internet, por fatkeqësisht nuk përfshinin detajet e kamerës. Telefoni duhet të përdorë një nga çipat e serisë Dimensity 8 (ndërsa varianti kinez mund të marrë Dimensity 9300) me 12 GB RAM dhe 256 GB memorie. Ai do të ketë një ekran AMOLED 120 Hz dhe një bateri 5,000 mAh me karikim 100 W, sipas këtyre informacioneve.
