Rrjetet sociale kanë nisur të implementojnë AI në platformat e tyre. Sidoqoftë, fokusi kryesor është ndihmimi i reklamuesve dhe bizneseve në krijimin e postimeve, siç kemi parë në LinkedIn dhe Meta.
Duket se shërbime të tjera AI do të vijnë dhe në Instagram për të ndihmuar më tepër përdoruesit. Pamjet e bëra leak nga Alessandro Paluzzi në Twitter (X) sugjerojnë se Meta po vepron pak ndryshe me Instagram dhe po përdor AI për të zhvilluar disa shërbime që do të ndikonin drejtpërdrejt në përvojën e përdoruesit në aplikacion.
#Instagram is working to label the contents created or modified by #AI in order to be identified more easily ? pic.twitter.com/bHvvYuDpQr
— Alessandro Paluzzi (@alex193a) July 30, 2023
Instagram po punon për shfaqjen e disa etiketatave që ndihmojnë përdoruesit të dallojnë fotot e gjeneruara nga AI dhe ato reale, një shërbim që mund të ketë një ndikim të rëndësishëm në përvojën e përdoruesit, si dhe të ndihmojë në frenimin e informacioneve të gabuara. Ky shërbim do të ndihmonte përdoruesit të jenë më pak të shqetësuar nga ndikimet negative të inteligjencës artificiale gjeneruese dhe për të dalluar përmbajtjet reale nga ato jo të vërteta (pra me pak fjalë përdoruesit nuk do të besojnë më se Papa Françesku ka veshur një xhup Moncler).
Një tjetër shërbim që Paluzzi shpërndau në Twitter ishte përmbledhja e mesazheve në DM, të cilat mund të jenë veçanërisht të dobishme për krijuesit e ndryshëm që bombardohen me mesazhe.
#Instagram is working on a new feature for Direct messages: Message Summary ?
This new tool will likely be powered by #Meta #AI pic.twitter.com/j2lJhfFCBg
— Alessandro Paluzzi (@alex193a) July 30, 2023
Instagram ka si qëllim që përmes AI të përmirësojë gjithashtu editimin e fotografive që përdoruesit duan të publikojnë në platformë. Ndër shërbimet më kryesore që Instagram po punon janë Restyle si dhe AI brush, e cila funksionon në mënyrë të ngjashme me Samsung Object Eraser apo Google Magic Eraser, që e bëjnë më të lehtë eleminimin e objekteve të padëshiruara nga fotografitë.
#Instagram is working on an AI tool for the Story editor to remove unwanted objects from photos ? pic.twitter.com/nDUWrFbivO
— Alessandro Paluzzi (@alex193a) July 18, 2023
