NASA është gati të lundrojë në tregun e transmetimit. Agjencia federale e hapësirës ka lajmëruar se do të krijojë një shërbim të ri transmetimi “NASA Plus” ku do të sjellë përmbajtjen hapësinore jo-shkencore sipas kërkesës të ndjekësve në televizorë dhe pajisje celulare kudo. Dhe më e mira nga të gjitha, NASA thotë se do të jetë “pa reklama, pa kosto dhe miqësore për familjen“.
Ju do të jeni në gjendje të shikoni drejtpërdrejtë lançimet e ardhshme si dhe dokumentarë dhe seriale origjinale të reja që agjencia po prodhon ekskluzivisht për NASA Plus. Agjencia po kërkon të “tregojë më mirë historitë se si NASA eksploron të panjohurën” dhe të lidhet me më shumë njerëz duke transformuar praninë e saj dixhitale, thotë Marc Etkind, administratori i komunikimit i NASA-s.
NASA Plus do të vijë “më vonë gjatë këtij viti“, sipas agjencisë. Ai do të jetë i disponueshëm në të gjitha platformat ku shikoni shërbime të tjera si Netflix dhe Disney Plus.
Në një njoftim për shtyp, CIO i NASA-s, Jeff Seaton, deklaron se faqja e re në internet që është në fazën beta është krijuar për t’i bërë informacionet e agjencisë “më të aksesueshme, të zbulueshme dhe të sigurta“. Vendi do të përfshijë detaje të misionit të NASA-s, kërkime, të dhëna klimatike dhe më shumë. Do të jetë gjithashtu vendi për të marrë informacione të përditësuara mbi misionin Artemis II me ekuipazh të vitit të ardhshëm.
Pasi NASA Plus të nisë zyrtarisht punën, ai do të integrohet në një aplikacion të përmirësuar të NASA-s të disponueshëm në iOS dhe Android. Aplikacioni do të jetë gjithashtu i disponueshëm në kutitë e transmetimit si Apple TV, Roku dhe Fire TV.
