Microsoft ka krijuar një dorezë të re për Xbox, e cila nuk ndryshon aspak dizajnin e saj, por aromën. Në pjesën e pasme të kësaj pajisje gjendet një difuzor i cili çliron aromën e një pice gjatë kohës që doreza përdoret nga gamers-at.
Me sa duket kjo është një përpjekje e kompanisë për të reklamuar filmin e ri Teenage Mutant Ninja Turtles: Mutant Mayhem. Ekzistojnë 4 versione të kësaj doreze, dhe nëse ju dëshironi të fitoni një prej tyre, duhet të merrni pjesë në giveaway që Xbox Game Pass po organizon në Twitter (ose X). Të gjitha detajet rreth këtij giveaway do të mund t’i gjeni këtu. Fatkeqësisht, ju nuk do të keni mundësinë të blini një nga këto doreza për veten tuaj; thjesht mund të keni fatin të fitoni një prej tyre përmes giveaway-t.
Cowabunga! Xbox is joining forces with @TMNTMovie Mutant Mayhem by giving away pizza-scented controllers, perfect for @XboxGamePass and @Minecraft turtle-icious game content. See #TMNTMovie #MutantMayhem only in cinemas around the world August 2023!https://t.co/BqW9xo3fMr
— Xbox Wire (@XboxWire) July 24, 2023
Microsoft krijon rregullisht variante të personalizuara të konsolave Xbox ose dorezave të tij për dhurata. Në të kaluarën, ne kemi parë një Xbox One X të veçantë me logon Jordan, si dhe një Xbox One që luan audion karakteristike “bong” të Taco Bell.
