Pas prezantimit të këtij tableti në Kinë në muaj prill dhe pas debutimit të tij në tregun indian gjatë muajit të kaluar, Xiaomi Pad 6 është më në fund i pranishëm dhe në tregun evropian.
Ky tablet vjen në 3 ngjyra të ndryshme: Gravity Gray, Gold dhe Mist Blue, dhe çmimi do të nisë nga €399 për versionin 6/128GB. Versioni 8/128GB do të kushtojë €429, ndërkohë që versioni më high-end i mundshëm 8/256GB do të kushtojë €449.
Xiaomi Pad 6 vjen me një ekran 11 inç LCD me rezolucion 1800 x 2880p, raport pamje 16:10 dhe refresh rate 144Hz, që ofrohet nga shumë pak konkurentë të tjerë në treg. Proçesori që e fuqizon këtë pajisje është Snapdragon 870, ndërkohë që bateria ka kapacitet 8,840mAh. Për fat të mirë Xiaomi Pad 6 mbështet karikimin e shpejtë 33W.
Për sa i përket kamerave, në pjesën e parme do të gjendet kamera selfie 8MP, ndërkohë që në pjesën e pasme është e pranishme një kamera 13MP.
Xiaomi përdor një software të personalizuar të mbështetur në versionin Android 13 në të gjitha pajisjet e saj, të quajtur MIUI 14.
