Një ekip studiuesish kanë stërvitur inteligjencën artificiale për të parashikuar nëse një këngë do të shndërrohet në një hit ose jo, duke i mundësuar kompanive të mëdha si Spotify një përmirësim të jashtëzakonshëm.
Parashikimi nëse një këngë do të pëlqehet nga publiku ose jo para se njerëzit ta dëgjojnë atë kënfë duket sikur është i pamundur, mirëpo platforma të ndryshme janë përpjekur të bëjnë diçka të tillë duke i rekomanduar përdoruesve muzikë në bazë të zhanrave të tyre të preferuara. Spotify ka një version të tillë që e quan “Discover Weekly”, që i jep përdoruesve një playlist me 30 këngë çdo ditë të hënë.
Ndërkohë që mund të ketë disa “perla” të fshehura midis këngëve të reja, platformat e po përpiqen të rrisin saktësinë e tyre dhe studiuesit amerikanë mund të kenë zgjidhjen.
Sipas studimit mësohet se shkencëtarët aplikuan një teknikë machine-learning për të analizuar sinjalet e trurit të 33 individëve midis moshës 18 dhe 57 vjeç. Pjesëmarrësit ishin të pajisur me sensorë për aktivitetin neuronal dhe kardiak, dhe dëgjuan 24 këngë. Më pas u pyetën për preferencat e tyre për çdo këngë.
Raportet tregojnë se ekipi më pas mati përgjigjet neurofiziologjike të pjesëmarrësve, që është një matje e kombinuar e vëmendjes dhe gjendjes emocionale. Këto të dhëna u kombinuan me një model machine-learning që rriti saktësinë e parashikimit nëse një individ do të pëlqente një këngë specifike nga 67% në 97%.
Ekipi zbuloi se inteligjenca artificiale do të ishte shumë e vlefshme për shërbimet si Apple Music, Spotify, etj, pasi platforma do të ishte në gjendje t’u “u jepte njerëzve atë që ata duan, do të përmirësojë motorët ekzistues të rekomandimeve që të përfitojnë artistët dhe konsumatorët“.
