Meta ka prezantuar zyrtarisht headset-in më të ri VR, Quest 3 VR, përmes një postimi në adresën e Instagram të Mark Zuckerberg.
Ky headset do të vijë në treg gjatë vjeshtës me një model që ka memorie të brendshme 128GB për një çmim prej $499.99, si dhe një model me më tepër memorie, çmimi i të cilit nuk është bërë i ditur. Krahasuar me paraardhësin Quest 2, dizajni i Quest 3 është më i lehtë dhe më i rehatshëm në kokën e përdoruesit, “me një profil optik 40% më të hollë”, ndërkohë që proçesori i ri Snapdragon ofron dyfishin e performancës grafike.
Një avantazh i kësaj pajisje është se do të mund të luajë dhe lojrat e krijuara për Quest 2. Megjithatë Meta do të prezantojë më vonë një update të ri për Quest 2 dhe Quest Pro i cili do të rrisë performancën e CPU dhe GPU në këto pajisje dhe do të aktivizojë shërbimin Dynamic Resolution Scaling.
Në videon e prezantimit përshkruhen shumë qartë 3 zonat e reja të sensorëve në pjesën e parme të pajisjes të cilat e diferencojnë këtë produkt nga versionet e mëparshme, së bashku me rripin mbajtës të kokës. Ne arrijmë të shikojmë gjithashtu dhe controllers të reja Touch Plus pa unazat e vjetra që përdoreshin për përcaktimin e pozicionit.
Ky prezantim është bërë vetëm pak ditë para se Apple të prezantojë headset-in e shumëpërfolur të realitetit të miksuar.
