Përdoruesit e Instagram prej kohësh kanë dhënë teori të ndryshme në lidhje me funksionimin e algoritmit për sa i përket renditjes së përmbajtjeve në platformë. Tashmë Instagram ka nisur të shpjegojë vetë më tepër rreth sistemit të rekomandimit të postimeve për të shpjeguar se përse ju arrini t’i shikoni postime të caktuara.
Në një postim në blog, kompania shpjegon sistemin renditës për feed-in kryesor, Stories, Explore Page dhe Reels. Për sa kohë Instagram dhe kompani të tjera të ngjashme arrijnë të bëjnë një parashikim shumë të mirë të postimeve në të cilat ju jeni të interesuar, kjo gjë arrihet duke studiuar të dhënat e marra nga vetë përdoruesit.
Stories renditen kryesisht në bazë të ndërveprimit në DMs me një person ose sa herë shikoni postimet më të reja të këtij personi. Instagram arrin gjithashtu të përcaktojë lidhjet me miqtë tuaj, duke dalluar nëse një person është anëtar i familjes apo një shok.
Dhe në rekomandimin e Reels përdoret një teknikë e ngjashme – Instagram tregon se rekomandimi i postimeve të reja bëhet në bazë të postimeve që përdoruesi bën save, shpërndan apo ndërvepron në forma të ndryshme. Instagram mëson gjithashtu se cilat janë videot që me shumë mundësi do t’i shikoni deri në fund ose do të klikoni për të aktivizuar audion.
Në TikTok përdoruesit mund të bëjnë dislike videot që nuk pëlqejnë në mënyrë që të ndikojnë mbi algoritëm për të mos i shfaqur më video të tilla në feed-in e tyre.
