Apple ka mësuar nga lojrat e Monopoly se është shumë mirë që të jesh një bankier dhe një lojtar njëkohësisht. Ditën e hënë Forbes ka raportuar duke u bazuar mbi të dhëna të brendshme se vetëm 4 ditë pas prezantimit të llogarisë së kursimit të Apple Card, të mbështetur nga Goldman Sachs, njerëzit kanë depozituar pothuajse $1 miliardë.
Më parë Apple kishte siguruar një sukses dhe nga pagesat në platformën për mobile, por llogaria e kursimeve duket se po bën akoma dhe më mirë. Gjatë kësaj kohe janë regjistruar 240,000 llogari të reja sipas Federal Deposit Insurance Corporation. Nëse raportimet e Forbes janë të vërteta, atëherë duket se njerëzit po depozitojnë mesatarisht memijëra dollarë në llogarinë e tyre të kursimit.
Norma vjetore e interesit që Apple ofron është 4.15% në vit, duke e bërë atë pak më të lartë se mesatarja në të gjithë SHBA (rreth 0.24% më e lartë). Llogaria e kursimit nga Apple është pak më kufizuese se bankat e tjera, dhe është dizenjuar specifikisht për fansat e zjarrtë të kompanisë.
Apple po përfiton shumë nga baza shumë e fortë e përdoruesve, pasi në SHBA gjenden dhe banka si Bask Bank që ofron një normë interesi vjetor 4.75%. Një tjetër pjesë e suksesit të Apple në këtë drejtim është dhe koha e lançimit të këtij shërbimi, pas gjithë zhvillimeve me Sillicon Valley Bank.
