Numri i maleve të njohura në oqeanet e Tokës sapo është dyfishuar. Observimet më të reja nga satelitët globalë kanë zbuluar praninë e 20,000 maleve të cilat nuk njiheshin më parë, të cilat tashmë janë publikuar në Earth and Space Science.
Mali më i lartë në Tokë, i matur nga baza e tij deri në majë, është Mauna Kea në Hawaii, pjesa më e madhe e të cilit gjendet nën ujë. Këto struktura nënujore shpesh herë janë zona me një biodiversitet mjaft të lartë, kryesisht për shkak të sipërfaqjes së thepisur të formuar nga aktiviteti vullkanik.
Malet nënujore rrisin gjithashtu pasurimin e ujit me nutrient si nitratet dhe fosfatet. Më parë ishin zbuluar më tepër se 24,600 male nënujore nëpërmjet tingujve, mirëpo kjo metodë është tepër e shtrenjtë dhe kërkon një kohë të konsiderueshme. Në këtë mënyrë është skanuar vetëm 20% e oqeanit, tregon shkencëtarja Julie Gevorgian. “Ka ende shumë për të gjetur.”
Për këtë arsye ato nisën të shikonin obsvervimet satelitore, të cilat kanë një shtrirje shumë të gjërë për të gjithë oqeanet në Tokë. Studiuesit po kërkonin për ngritje disa centimetërshe mbi sipërfaqjen e detit, pasi në këtë mënyrë mund të zbulonin praninë e një mali nënujor. Kjo gjë ndodh për shkak të ndryshimit të forcës gravitacionale të Tokës në këtë vend.
Duke përdorur këtë teknikë, ekipi arriti të zbulonte dhe 19,325 male të tjera që nuk ishin zbuluar më parë. Shumica e tyre janë të vegjël, nga 700 deri në 2,500 metra të lartë.
