Që të 4-t modelet e reja në serinë iPhone 15 pritet të përdorin portën e karikimit USB-C në vend të portës Lightning, duke bërë kështu që dhe aksesorë e iPhone-ve të përdorin këtë portë.
Kufjet EarPods do të përdorin USB-C, dhe leaker-i ShrimpApplePro e konfirmoi këtë gjë përmes një tweet-i ku tregon se kufjet kanë nisur tashmë të prodhohen në masë nga Apple. Kufjet e reja do të lidhen direkt me portën USB-C të modeleve iPhone 15, pa patur nevojë për një adapter.
Also USB-C MFI cables and Earpods are in mass production for a while is the best proof that it’s happening.
— ShrimpApplePro ? (@VNchocoTaco) April 27, 2023
Momentalisht këto kufje me portën Lightning dhe 3.5mm ofrohen në dyqanin zyrtar të Apple me çmimin $19, dhe pritet që kjo gjë të mos ndryshojë.
Popullariteti i EarPods ka qenë gjithnjë e më tepër në rënie gjatë kohëve të fundit, sidomos pas lançimit të AirPods në vitin 2016. I vetmi avantazh i EarPods është çmimi dhe pulg-and-play, pra përdorimi pa patur nevojë për t’u karikuar.
Pritet që Apple të prezantojë serinë e re të smartphone-ve në shtator të këtij viti dhe EarPods do të prezantohen në të njejtën kohë. Analisti Ming-Chi Kuo ka raportuar se dhe aksesorët e tjerë si kasa e karikimit të AirPods, MagSafe Battery Pack dhe Magic Keyboard/Trackpad/Mouse do të përdorin portën USB-C në të ardhmen.
