Një shkencëtar po nxit njerëzit që të regjistrojnë personat e moshuar në familjen e tyre pasi i premton se do të zhvillojë një teknologji për ngarkimin e koshiencës në kompjuter deri në fund të këtij viti.
Dr Pratik Desai, i cili ka themeluar disa startups të ndryshëm gjatë këtyre viteve, tha se nëse njerëzit do të kenë mjaftueshëm regjistrime video dhe të zërit të personave të tyre të zemrës, “ekziston një shanc 100% i sigurt që të bëni të afërmit tuaj të jetojnë me ju përgjithmonë”. Ai shtoi në një postim në Twitter se një gjë e tillë mund të arrihet deri në fundin e këtij viti.
Start regularly recording your parents, elders and loved ones. With enough transcript data, new voice synthesis and video models, there is a 100% chance that they will live with you forever after leaving physical body. This should be even possible by end of the year.
— Pratik Desai (@chheplo) April 8, 2023
Shumë shkencëtarë besojnë në evoluimin e shpejtë në inteligjencën artificiale, të drejtuar nga ChatGPT, që do të krijojë një epokë të re të artë për teknologjinë. Megjithatë mendjet më të ndritura të botës nuk po arrijnë të dakordësohen, pasi mbi 1,000 drejtues të kompanive teknologjike, përfshirë këtu Elon Musk dhe Steve Wozniak po kërkojnë që avancimet në AI të ndalohen përkohësisht deri në studimin e plotë të aftësive të teknologjisë.
Nga ana tjetër njerëz të ndryshëm, duke përfshirë këtu Bill Gates, mendojnë se AI do të përmirësojë jetët tona dhe duhet të përmirësohet sa më tepër. Desai është gjithashtu mbështetës i këtij mendimi, dhe mendon se duke i ofruar AI informacionet e duhura, mund të rikrijojë në mënyrë dixhitale një individ dhe sjelljet e tij në mënyrë shumë realistike.
