Tashmë që Electronic Sports dhe FIFA ndjekin rrugët e tyre të ndara, kemi filluar të mësojmë detajet e para rreth të ardhmes së video-lojrave që do të zhvillohen nga organizatat. EA po punon për të krijuar EA Sports FC, ndërkohë që FIFA sapo ka lançuar një video-lojë të re për smartphone të quajtur AI League. Ju mund të shkarkoni versionin beta të lojës në Android.
E zhvilluar nga studio Altered State Machine, AI League përshkruhet si një lojë e zakonshme futbolli 4vs4, e cila luhet midis karaktereve të kontrolluar nga inteligjenca artificiale, ndërkohë që gamers-at ndërhyjnë në momente taktike. Ju do të luani rolin e trajnerit të ekipeve AI, ku secili futbollist do të ketë veçori të ndryshme që përcaktojnë pikat e forta dhe të dobëta të tyre. Gjithashtu ju mund të mblidhni dhe të transferoni karktere për të krijuar një ekip sipas preferencës tuaj.
AI League u prezantua më parë si pjesë e një propozimi për përvojat e Web3 nga FIFA. 2023 do të jetë një vit tepër interesant për sa i përket video-lojrave të futbollit. Vitin e kaluar FIFA 23 ishte loja e fundit e zhvilluar në bashkëpunim midis FIFA dhe EA Sports.
Presidenti i FIFA, Gianni Infantino tregoi në një deklaratë: “Unë mund t’ju siguroj se e vetmja lojë e vërtetë autentike do të jetë ajo që ka emrin FIFA.”
