Turneu prestigjioz ndërkombëtar i futbollit, UEFA Euro 2024 fillon më 14 qershor. EA zbuloi në fillim të vitit të kaluar se në lojë do të vijë një modalitet i lojës Euro 2024 për EA FC 24, në mënyrë që audienca të përfshihet dhe të luajë njëkohësisht me ekipet në turne.
Tashmë përmes njoftimeve të bëra në internet është konfirmuar se EA FC 24 do të marrë përditësimin e UEFA Euro 2024 sot, më 6 qershor.
Me ardhjen e këtij modaliteti, të gjithë shqiptarët do të ndihen të përfaqësuar pasi ekipi kombëtar do të jetë i pranishëm në EA FC 24. A jeni gati të përsërisni golat e mrekullueshëm nga distanca që lojtarët si Asani, Bajrami dhe Asllani shënuan gjatë ndeshjeve kualifikuese? Na bëni tag në Stories nëse shënoni një gol po aq të bukur.
Modaliteti i lojës Euro 2024 në EA FC 24 do të i ngjashëm me atë të Kupës së Botës në FIFA 23. Përditësimi do të shtrihet edhe tek Ultimate Team, dhe lojtarët që kanë luajtur lojën që nga 16 janari do të marrin një lojtar bonus si dhuratë.
Lojtarët e përfshirë në këtë bonus do të jenë Jack Grealish nga Anglia, Alvaro Morata i Spanjës, Federico Chiesa i Italisë, Virgil van Dijk i Holandës, Florian Wirtz i Gjermanisë dhe Ousmane Dembele i Francës. Përditësimi do të arrijë për platformat e mëposhtme: PlayStation 5, PlayStation 4, Xbox Series X/S, Xbox One, Nintendo Switch dhe PC. Më herët ne mësuam dhe rreth bisedimeve të nisura nga ana e konkurrentit më të ri në video-lojrat e futbollit, FIFA, e cila mund të bashkëpunojë me 2K në zhvillimin e lojës FIFA2K25.
