Apple ka lajmëruar zyrtarisht se do të organizojë konferencën e përvitshme në Apple Park, Cupertino, duke nisur në datën 5 qershor dhe do të përfundojë në 9 qershor. Në këtë konferencë do të jetë i pranishëm publiku, por numri i personave të pranishëm do të jetë i limituar.
WWDC 2023 do të shfaqë një prezantim të regjistruar më parë “State of the Union” si dhe sesione të ndryshme online për të gjithë njerëzit që dëshirojnë të mësojnë të rejat më të fundit në iOS, iPadOS, macOS, watchOS dhe tvOS.
Apple nuk ka konfirmuar ende asgjë në lidhje me produktet më të reja që do të prezantohen gjatë këtij eventi. Sipas informacioneve të bëra leak, besohet se Apple do të mundësojë instalimin e aplikacioneve të palëve të treta jashtë App Store në pajisjet iOS, një shërbim që do të vijë fillimisht në Evropë dhe më pas në tregjet e tjera.
Përmirësimi i shumëpritur i CarPlay mund të prezantohet gjatë këtij eventi, pas prototipeve të prezantuara gjatë vitit të kaluar në WWDC. Për sa i përket macOS nuk ka patur shumë raportime, përveç informacioneve për hardware-in e ri.
iPadOS 16 ishte një lançim tepër i rëndësishëm për kompaninë gjatë vitit të kaluar, dhe këtë vit nuk pritet që të ketë ndryshime shumë të mëdha në sistemin operativ. Mendohet se disa nga shërbimet e iOS 16 do të vijnë në tablet, si Lock screen widgets apo wallpapers të personalizuara.
Për të mësuar më tepër informacione rreth WWDC 2023 na ndiqni në rrjetet sociale, pasi do t’ju njohim me të rejat më të fundit.
