Gjatë kohëve të fundit kanë qarkulluar raportime se Vivo po zhvillon një smartphone të ri të palosshëm, që mund të quhet Vivo X Fold 2 dhe që do të jetë pasardhësi i Vivo X Fold.
Pritet që ky smartphone të prezantohet në gjysmën e parë të vitit 2023, dhe tashmë disa nga specifikat kryesore të X Fold 2 janë shfaque në AnTuTu benchmark, duke treguar fuqinë proçesuese të tij.
Sipas listimit të AnTuTu benchmark, mund të shikojmë që smartphone-i i palosshëm Vivo i identifikuar si PD2266 është pajisur me proçesorin më të ri Snapdragon 8 Gen 2, 12 GB RAM si dhe 256GB memorie të brendshme. Në screenshot-in e mëposhtëm tregohet se pajisja do të ketë të instaluar sistemin operativ Android 13.
Rezultati 1318092 në AnTuTu tregon se kjo pajisje do të ketë një performancë mjaft të lartë. Në testimin e CPU dhe GPU u gjeneruan rezultatet 188246 dhe 579982, duke bërë që Vivo X Fold 2 të renditet në shumë lart në listën e smartphone-ve me performancën më të lartë, përveç kategorisë së smartphone-ve të palosshëm.
Nga raportimet e mëparshme mendohet se bateria do të ketë një kapacitet prej 4,800mAh duke suportuar karikimin super të shpejtë 120W. Ekrani i brendshëm 8” do të vijë me teknologjinë E6 AMOLED, rezolucion 2K dhe refresh rate 120Hz.
Në pjesën e pasme pritet që të gjenden 3 kamera: ajo kryesore 50MP Sony IMX866, ultraëide 12MP dhe një telephoto 12MP.
