Me sa duket Bill Gates ka menduar shumë rreth AI gjatë kohëve të fundit, aq shumë saqë arriti të shkruante një letër 7 faqëshe në lidhje me mendimet e tij.
Në letrën e titulluar “Epoka e AI ka nisur”, Gates ka treguar mendimin e tij në lidhje me inteligjencën artificiale si dhe parashikimet e tij që lidhen me përdorimin në të ardhmen të këtij shërbimi.
“Ky zhvillim është po aq i rëndësishëm sa krijimi i mikroproçesorëve, kompjuterit personal, internetit apo celularit.” tha Gates. Ai diskuton në letër se si AI mund të përdoret si një mjet për përmirësimin e produktivitetit të njerëzve, por mund të ndihmojë gjithashtu dhe në përmirësimin e pabarazive në botë – si përshembull në vendin e punës, shëndetësi dhe edukim.
“Një punëtor me kollare të bardhë që ju ndihmon në punën tuaj”
Gates tregon se si inteligjenca artificiale mund të përdoret si një “asistent personal dixhital” për të përmirësuar produktivitetin e punonjësve. AI është tashmë e integruar në mjetet e ndryshme të punës si Microsoft Office, duke ndihmuar punonjësit në gjenerimin e email-eve.
Një ndihmues dixhital që do të heqë një barrë të rëndë nga punonjësit në shëndetësi
Në industrinë e shëndetësisë, Gates tregon se AI mund të lirojë punonjësit nga detyra të caktuara, si përshembull paraqitjen e kërkesës për sigurim, plotësimin e shkresave si dhe ruajtjen e shënimeve gjatë vizitës së pacientëve nga doktorët.
Bill Gates shtoi se për shtetet e varfra, “ku njerëzit nuk e kanë mundësinë të vizitohen nga një doktor”, AI mund t’i bëjë punonjësit e shëndetësisë më produktivë me pacientët që vizitojnë. Është e mundur që AI të ndihmojë dhe në trajtimin e pacientëve që nuk jetojnë pranë shërbimeve shëndetësore.
Mësuesit nuk do të largohen, por do të duhet të adoptohen
Gates parashikoi se AI do të ndryshojë rrënjësisht edukimin gjatë 10 viteve të ardhshme duke i ofruar studentëve përmbajtje në bazë të materialit që janë të interesuar. AI munded gjithashtu të ndihmojë mësuesit në hartimin e një plani mësimdhënie.
“Edhe kur teknologjia të jetë perfeksionuar, mësimi do të jetë sërisht i varur nga marrëdhënia mes mësuesve dhe nxënësve. AI do të përmirësojë, por nuk do të zëvndësojë, punën që mësuesit dhe nxënësit bëjnë së bashku në shkolla.” tregon Gates.
