Teknologjia po ndryshon mënyrën se si lufta po luftohet, prandaj një gjeneral i lartë në SHBA parashikon se kjo gjë do të çojë në përdorimin e gjerë të robotëve në ushtri, marinë dhe forcat ajrore.
Mark Milley tregoi për Eurasia Group Foundation në një podcast se bota po i nënshtrohet një ndryshimi rrënjësor për sa i përket “karkaterit të luftës”. Ndryshe nga “natyra e luftës”, të cilën Milley e përshkruan për të nënkuptuar lëvizjen e humanëve dhe marrëveshjet ndër-shtetërore, ai sqaroi se me “karkaterin e luftës” nënkupton taktikat, armët, teknologjitë, organizatat dhe menaxhimin.
“Karakteret e luftës ndryshojnë vazhdimisht, madje sa herë që prodhohet një armë e re. Mirëpo sot në po i nënshtrohemi ndryshimit më rrënjësor në karkaterin e luftës, dhe kësaj here gjithçka po ndodh nga avancimi i teknologjisë.” tregoi Milley.
Ai shtoi se saktësia me të cilën mund të goditet një shënjestër është shumë herë më e lartë se më parë. Milley përmendi këtu dhe rolin e robotëve, ku tregoi se shumë shtete janë duke eksperimentuar krijimin e tankeve apo anijeve tërësisht autonome. “Brenda 15 vitesh, në mos më shpejt, ju do të shikoni porcione të rëndësishme ushtrie, marine apo frocash ajrore të cilat do të jenë robotike.”
Gjithashtu inteligjenca artificiale ka aftësinë për të analizuar një informacion shumë të gjerë, duke ndihmuar forcat ushtarake në marrjen e një vendimi në fushëbetejë.
