Google ka nisur të lejojë disa testues të rinj të aksesojnë Bard, chatbot-in e ri AI i cili do të konkurojë në mënyër të drejtpërdrejtë me ChatGPT.
Duke nisur nga dita e martë, përdoruesit mund të fitojnë akses në Bard duke u regjistruar në këtë waitlist. Google premton se Bard do të ndihmojë në krijimin e drafteve të para në shkrimin e një eseje, do të planifikojë baby shower për një mik si dhe të gjenerojë ide për drekën në bazë të ushqimeve që keni në frigorifer.
Një përfaqësues i kompanisë tregoi se Bard do të jetë një eksperiencë plotësuese e Google Search, pasi nëse dëshironi ju mund të aksesoni dhe Search për të parë burimet nga të cilat u gjenerua përgjigja e chatbot-it. Për momentin Google ka nisur këtë episode testimi vetëm në SHBA dhe Mbretërinë e Bashkuar, por planifikon që të jetë i pranishëm në më shumë shtete me kalimin e kohës.
Njësoj si ChatGPT, Bard është ndërtuar në bazë të një modeli gjuhësor tepër të madh. Këto modele janë trajnuar nga burime të shumta të gjetura online në mënyrë që të gjenerojë përgjigje bindëse në bazë të kërkesave të përdoruesve.
Na mbetet të presim dhe të shikojmë aftësitë e Google Bard, nëse ato do të jenë në të njejtin nivel me ChatGPT apo jo.
