Yu Takagi dhe ekipi i tij i studiuesve vendosën të përdornin një model AI të quajtur Stable Diffusion të zhvilluar në vitin 2022 në Gjermani për të analizuar skanimet e trurit të pacientëve të ndryshëm të cilëve i prezantohen deri në 10,000 imazhe ndërkohë që gjenden brenda rezonancës magnetike.
Pasi Takagi dhe Shinji Nishimoto krijuan një model të thjeshtë për të “përkthyer” aktivitetin elektrik të trurit në një format të lexueshëm, Stable Difusion ishte në gjendje të gjeneronte imazhe me cilësi të lartë që ishin tepër të ngjashme me fotografitë origjinale të treguara më parë.
“Akoma e mbaj mend momentin që pashë për herë të parë imazhe e gjeneruara nga AI. Shkova në banjo dhe po shikoja veten në pasqyrë dhe mendova: Ok, kjo është normale. Ndoshta nuk po çmendem. Ne me të vërtetë nuk e prisnim një rezultat të tillë.” tregon Takagi.
Është me të vërtetë e çuditshme saktësia e këtij sistemi AI, pasi Stable Diffusion nuk iu ishte treguar asnjë nga fotografitë që pacientët shikonin.
Takagi shtoi se dhe pse kjo është një arritje shumë e madhe, në këtë moment nuk është ende në gjendje të lexojë trurin e një personi, pasi AI mund të gjenerojë vetëm imazhe që një person ka shikuar më parë.
“Ne nuk mund të lexojmë imagjinatat apo ëndrrat. Por sigurisht, ka potencial për të bërë një gjë të tillë në të ardhmen.”
