OpenAI sapo ka prezantuar versionin më të ri të modelit të gjuhës AI, GPT-4, i cili vjen me përmirësime të shumta dhe shërbime të reja, si përshembull aftësia për të kuptuar imazhet apo për të analizuar mbi 25,000 fjalë njëkohësisht.
Më poshtë do të rendisim 3 mënyra se si të gjithë përdoruesit e interesuar mund të aksesojnë GPT-4.
1. Regjistrohuni në waitlist
Nëse ju keni një adresë ekzistuerse në OpenAI, me shumë mundësi keni nje mesazh të tillë në email-in tuaj. Mjafton të regjistroheni në waitlist duke klikuar këtu. Do t’ju duhet të prisni disa kohë derisa kërkesa juaj të aprovohet, pasi janë të shumtë njerëzit që kanë aplikuar në këtë waitlist.
Sapo të fitoni akses në GPT-4 ju do të mund të shikoni modelin e ri në OpenAI Playground.
2. Abonohuni në ChatGPT Plus
Një tjetër mënyrë për të aksesuar më shpejt GPT-4 është abonimi në ChatGPT Plus. OpenAI ka bërë të mundur që të gjithë personat e abonuar në këtë plan të aksesojnë versionin më të ri të GPT.
3. Përdorni versionin më të ri të Bing Chat
Ju mund të aksesoni GPT-4 dhe duke përdorur versionin më të ri të Bing Chat. Yusuf Mehdi, zëvëndës president në Microsoft konfirmoi se GPT-4 është motori që fuqizon shërbimet AI të integruara në Bing.
“Nëse ju keni përdorur Bing-un e ri gjatë 5 javëve të fundit, ju e keni aksesuar një version të hershëm të këtij modeli të fuqishëm.” tregoi Mehdi.
