Me sa duket MediaMarkt nuk arriti dot të mbante një sekret, duke publikuar gabimisht të dhënat dhe çmimin e Samsung Galaxy A54 dhe A34 dhe pse këto pajisje nuk janë prezantuar ende nga Samsung.
Modeli bazë i Samsung Galaxy A54 ka një kapacitet prej 128GB dhe u listua në këtë dyqan me një çmim prej €500, ndërkohë që versioni me 256GB do të kushtojë €550. Kjo pajisje do të ofrohet në 4 ngjyra: Awesome Violet, Awesome Lime, Awesome Graphite dhe Awesome White.
Për sa i përket Galaxy A34, modeli 128GB do të kushtojë €390, ndërkohë që modeli 256GB do të shitet me një çmim prej €460. Ngjyra Awesome White e ofruar në A54 do të zëvëndësohet me Awesome Silver në Samsung Galaxy A34.
Nëse ju zgjidhni modelet me 256GB internal storage, do të përfitoni dhe 2GB RAM ekstra, duke e çuar totalin në 8GB. Modelet me memorie 128GB vijnë vetëm me 6GB RAM.
Këto pajisje mund të dallohen nga njëra-tjetra nga pamja e jashtme vetëm nëpërmjet kameras selfie, ku A54 vjen me një punch hole, ndëkohë që A34 vjen me një teardrop notch. Megjithatë Galaxy A54 do të ketë një ekran 6.4”, ndërkohë që Galaxy A34 do të ketë ekran më të madh 6.6” (që të dy ekranet kanë refresh rate 120Hz).
Për sa i përket proçesorit, Galaxy A54 do të fuqizohet nga Exynos 1380, do të ketë bateri me kapacitet 5,000mAh dhe karikim 25W, si dhe është pajisur me 3 kamera në pjesën e pasme 50+12+5MP, pa harruar kameran selfie 32MP.
Galaxy A34 do të përdorë proçesorin Dimensity 1080, do të ketë po të njejtin kapacitet baterie me A54, ndërkohë që kamerat kanë rezolucion 48+8+5MP, ajo selfie 13MP.
Pritet që këto pajisje të prezantohen në Shqipëri në fund të muajit mars.
