Më tepër se 100 milionë njerëz e kanë testuar ChatGPT që nga lançimi i këtij shërbimi, që nga kërkimi për produkte të ndryshme në internet e deri në shkrimin e eseve të ndryshme. Për të lehtësuar akoma dhe më tepër punën tuaj nëpërmjet ChatGPT, ju mund të nisni të përdorni këto extensions në Google Chrome apo Microsoft Edge.
Merlin
Merlin sjell ChatGPT në majën e gishtërinjve tuaj dhe është gati të aktivizohet në çdo moment, kur ju të keni nevojë të shkruani një koment në një postim në rrjetet sociale apo të përmbeldhni një tekst shumë të gjatë.
Ai aktivizohet nëpërmjet komandës Ctrl+M (Windows) apo Cmd+M (macOS) pasi ju të keni përzgjedhur një tekst. Më pas mjafton t’i jepni Merlin komandën e dëshiruar.
ChatGPT for Google
Ju nuk keni nevojë të prisni që të publikohet chatbot-i i Google, pasi ChatGPT for Google sjell rezultatet e chatbot-it pranë rezultateve standarde të gjeneruaa nga Google sa herë që ju kërkoni për diçka. Mjafton të siguroheni që jeni të loguar në adresën e tuaj në ChatGPT, pjesa tjetër aktivizohet automatikisht.
Enhanced ChatGPT
Enhanced ChatGPT është një version i përmirësuar i ChatGPT, duke sjellë disa shërbime të rëndësishme në ndërfaqjen bazike të ChatGPT, si përshembull eksportimi i chats tuaja në formatin Markdown si dhe një grup mjetesh që ju ndihmojnë në qëllimet tuaja.
Disa nga këto mjete mund t’ju ndihmojnë me gjetjen e imazheve në web, ofrimin e këshillave për të udhëtuar, gjenerimi i përkthimeve si dhe programimi në JavaScript.
WritingMate
Nëse ju po planifikoni të shkruani emails apo të bëni një postim në rrjetet sociale, duhet të përdorni WritingMate. Ju mund të përdorni ChatGPT në çfarëdo mënyre që të dëshironi, në website-t që po lexoni, si dhe të përdorni shërbimet e tjera të ofruara nga ky extension.
WebChatGPT
WebChatGPT sjell rezultatet tradicionale pas kërkimit në ndërfaqjen e ChatGPT, si dhe përpiqet të integrojë të dyja tipet e përgjigjeve për t’ju gjeneruar një rezultat koherent dhe të rëndësishëm.
Promptheus
Për të gjithë personat që parapëlqejnë të flasin në vend që të shkruajnë, Promptheus ju mundëson që të flisni me ChatGPT në të njejtën mënyrë që do të flisnit me një person, duke ju dhënë një perspektivë të re të ndërveprimit me AI.
ChatGPT Export and Share
ChatGPT Export and Share ndihmon të gjithë përdoruesit që të eksportojnë përmbajtjet e gjeneruara nga ChatGPT në vende të tjera. Ju mund të regjistroni chat-et tuaja si imazhe apo PDF, por mund të gjeneroni dhe links që mund t’i shpërndani me miqtë.
