Nëse ju dëshironi që të limitoni kohën që shpenzoni në rrjete sociale si TikTok, Instagram apo YouTube, ju mund të vendosni një limit kohor që ofrohet nga vetë këto aplikacione. Sapo të përmbushni limitin kohor, aplikacionet nuk do t’ju lejojnë të shikoni përmbajtje të tjera.
Kjo duket si një zgjidhje mjaft e mirë, mirëpo studimet kanë treguar se vendosja e limiteve të tilla kohore mund të mos jetë zgjidhja e duhur për këtë problem. Shkencëtarët zbuluan nga pjesëmarrësit në studim se kur ata përdornin shërbimet limituese, përfundonin duke shpenzuar më tepër kohë në aktivitete dixhitale, duke ulur efektivitetin e këtyre shërbimeve.
Ky studim arriti në përfundimin se dhe kur ne e monitorojmë se si e përdorim teknologjinë, nuk arrijmë të ndryshojmë dot sjelljen tonë.
Në pjesën e parë të eksperimenteve u testuan disa persona që përdornin TikTok rregullisht për disa ditë, të cilët më pas u detyruan të vendosnin një limit kohor brenda aplikacionit, duke lejuar përdorimin me vetëm 60 minuta në ditë. Pas vendosjes së këtij limit, përdoruesit e TikTok shpenzuan një kohë 7% më të madhe në krahasim me kohën që shpenzonin më parë.
Si mund ta zgjidhni këtë problem?
Zgjidhja e këtij problemi mund të jetë shumë e vështirë, dhe kërkon një vullnet të fortë. Ju mund të vendosni të fikni internetin tuaj pas orës 10 në mbrëmje apo të karikoni pajisjen tuaj jashtë dhomës së gjumit, për të shmangur sa më tepër përdorimin e smartphone-it.
