Siç kishte premtuar, Microsoft po vepron shpejt për të lejuar përdoruesit të personalizojnë inteligjencën artificiale sipas dëshirës së tyre, duke i dhënë Bing AI një personalitet të veçantë.
Mikhail Parakhin tregon se para 90% e testuesve të shërbimit më të ri në Bing shfaqet një opsion i ri që ndryshon përgjigjet e chatbot. Opsioni “Creative” lejon që chatbot të gjenerojë përgjigje më origjinale dhe imagjinative, ndërkohë që opsioni “Precise” bën të mundur gjenerimin e përgjigjeve të shkurtra e të sakta. Megjithatë ju mund të përdorni dhe opsionin “Balanced” për të mbajtur përgjigjet e balancuara midis dy modaliteteve.
Kompania vendosi të reagonte menjëherë duke limituar përgjigjet që Bing AI gjeneronte për përdoruesit, pasi chatbot tregoi se dëshironte të vidhte kodet bërthamore dhe që të shndërrohej në një human. Tashmë chatbot thjesht refuzon t’i përgjigjet pyetjeve të caktuara deri sa Microsoft të update-ojë shërbimin dhe të zgjidhë këto probleme.
Aksesi në Bing AI po zgjerohet dita-ditës në aplikacione të ndryshme. javën e kaluar kjo teknologji mbërriti në Skype dhe në taskbar-in e versionit më të ri të Windows 11.
Nëse ju dëshironi të përdorni opsionin Creative në Bing, mos harroni se nuk duhet t’i besoni me 100% përgjigjet e gjeneruara.
