Sikur të mos mjaftonte fakti se teknologjia AI po bëhet gjithnjë e më e aftë, shkencëtarët nga John Hopkins University po punojnë për të përdorur qelizat e trurit të njerëzve për të fuqizuar sistemet e reja AI.
“Vizioni i OI (Organoid Intelligence) është përdorimi i fuqisë së sistemeve biologjike për të bërë avancime në shkencat kompjuterike apo inxhinierinë biologjike.” tha Lena Smirnova, studiuese dhe autore e publikimit të këtij studimi në revistën Frontier.
Për të shfrytëzuar këto aftësi, shkencëtarët shpresojnë se do të arrijnë të përdorin qelizat e trurit që janë përgjegjëse për kujtesën dhe të mësuarit tekn njerëzit. Madhësia e tyre bën të mundur që neuronet të formojnë më tepër lidhje se proçesorët e zakonshëm prej silikoni, të cilët do të dilnin plotësisht jashtë loje me zhvillimin e kësaj teknologjie. Në fakt, studiuesit parashikojnë se sisteme të tilla mund të përdoren në të ardhmen të lidhura me sisteme machine learning dhe AI si ChatGPT.
“Nëse ne shikojmë se sa efiçient është truri ynë në proçesimin e informacioneve të ndryshme, do të kuptojmë sa e rëndësishme mund të jetë krijimi i një sistemi të tillë që do të punojë shumë më shpejt se kompjuterat tonë aktualë.” shtoi Smirnova.
Studiuesit tregojnë se truri i njeriut mund të regjistrojë 2,500 terabyte me informacione, duke përdorur shumë herë më pak energji.
