Xiaomi sapo ka prezantuar syzet e reja AR të quajtura Wireless AR Glass Discovery Edition gjatë eventit Mobile World Congress 2023, ku Geek Room dhe Neptun janë të pranishëm për të informuar ndjekësit me inovacionet më të reja nga teknologjia.
Këto syze smart ofrojnë një mënyrë elegante për të bashkuar botën dixhitale dhe atë reale pa patur nevojë për t’u lidhur me një smartphone, si dhe përdorin të njejtin proçesor që gjendet dhe në Quest Pro, Snapdragon XR2 Gen 1.
Wireless Ar Glass Discovery Edition peshojnë 126g falë përdorimit të materialeve të lehta dhe të forta si titani dhe fibrat e karbonit. Gjithashtu brenda trupit gjendet një bateri e veçantë me anodë silkoni-oksigjeni për të reduktuar peshën e syzeve.
Boasting a retina-level near-eye display for AR glasses, Xiaomi Wireless AR Glass Discovery Edition delivers a truly immersive visual experience. Moreover, our self-developed Xiaomi AR Gesture Control empowers effortless control between virtual and real space. pic.twitter.com/EipqBWxkpW
— Lei Jun (@leijun) February 27, 2023
Për sa i përket ekraneve, pajisja vjen me dy ekrane microLED me teknologji të tillë që sytë tuaj të mos i dallojnë katrorët e pixel-ave. Kompania tregon se ndriçimi do të vazhdojë të mbetet i lartë pa përjetuar humbje të konsiderueshme deri në nivelet 1,200 nits.
Gjithashtu ndjekja e lëvizjeve të dorës do të mundësojë një formë të re ndërveprimi, duke manipuluar botën dixhitale nëpërmjet lëvizjes së dorës.
Për fat të keq nuk ka ende asnjë informacion mbi çmimin dhe aksesueshmërinë pasi kjo pajisje është ende një koncept.
