Pas tërmetit të fuqishëm që ra në Turqi dhe Siri, shtetet janë munduar të grupojnë sa më shumë forca shpëtimi për të shpëtuar jetët e njerëzve të bllokuar nën rrënojat e ndërtesave, dhe pse kanë kaluar pothuajse 2 javë nga tërmeti.
Ekipet e shpëtimit të NASA kanë përdorur një teknologji të quajtur “FINDER” për të identifikuar dhe lëvizjet më të vogla të trupit që mund të shkaktohen nga funksionet bazë jetike në Turqi. “Finding Individuals for Disaster Emergency Response” përdor sensorët me mikrovalë për të identifikuar rrahjet e zemrës apo lëvizjen e krahërorit gjatë frymëmarrjes tek këto njerëz të bllokuar nën rrënoja.
NASA raportoi se kjo teknologji u transportua në Turqi gjatë fundjavës së kaluar. Tërmetet 7.8 dhe 7.6 ballë që ndodhën në datën 6 shkurt, deri më tani kanë shkaktuar më tepër se 46,000 viktima.
“Zemra dhe mendja e NASA është më personat e prekur nga tërmetet në Turqi dhe SIri. NASA është syri ynë në qiell, ndërkohë që ekipet tona dhe ekspertët po punojnë për të gjetur informacione të rëndësishme mbi personat e mbetur nën rrënoja.” tha administratori i NASA, Bill Nelson.
“Trupi juaj lëviz një milimetër ku zemra rreh. Ne mund t’i zbulojmë këto lëvizje pasi vetë rrënojat nuk lëvizin. Më pas ne shikojmë për lëvizje që tregojnë rrahjet e zemrës dhe lëvizjen e krahërorit gjatë frymëmarrjes.”tha Jim Lux, menaxheri në detyrë i zhvillimit të prototipit FINDER.
