Nëse ju keni vënë re se gjatë kohëve të fundit nuk ju shfaqen postime nga një person i caktuar që ndiqnit, ekziston mundësia që ky person t’ju ketë bërë bllok ose thjesht nuk ka postuar më përmbajtje të reja. Për të dalluar një gjë të tillë ekzistojnë 4 mënyra të cilat do t’i përmendim më poshtë.
Kërkoni emrin e adresës që mendoni se ju ka bërë block
Shtypni ikonën search dhe kërkoni emrin e adresës së dyshuar.
- Nëse kjo adresë është private dhe juve nuk ju shfaqet, me shumë mundësi ju kanë bllokuar.
- Nëse adresa është publike, dhe kur vizitoni faqjen e tij nuk mund të shikoni foton e profilit, numrin e postimeve apo numrin e ndjekësve, ky person ju ka bërë block.
Në broëser ju mundet gjithashtu të kërkoni instagram.com/username (duke zëvëndësuar username me emrin e përdoruesit që dëshironi). Nëse në këtë faqje shfaqet mesazhi “Sorry, this page is not available”, atëherë ky përdorues mund t’ju ketë bërë bllok ose ka fshirë adresën e tij.
Kërkoni në postimet tuaja nëse këta persona kanë komentuar më parë
Nëse këto përdorues kanë komentuar më parë në adresën tuaj, gjeni komentin dhe shkoni në profilin e tyre. Nëse nuk ju shfaqet foto e profilit, numri i ndjekësve etj, me shumë mundësi ju kanë bërë block.
Kërkoni në bisedat në DM që mund të keni patur me këtë person
Njësoj si me komentet, ju mund të kontrolloni nëse një adresë ju ka bllokuar duke kontrolluar mesazhet në DM.
Pyesni shokun tuaj nëse ai mund ta gjejë këtë adresë me një kërkim të thjeshtë
Kjo është një metodë përfundimtare për të zbulaur nëse ju kanë bërë block. Nëse shoku juaj arrin ta gjejë me lehtësi përdoruesin nëpërmjet një kërkimi, atëherë ky person ju ka bërë block. Nëse as shoku juaj nuk arrin ta gjejë përdoruesin me një kërkim në Search, ekziston mundësia që ky përdorues të ketë mbyllur adresën e tij ose t’ju ketë bërë block të dyve.
