SkyShowtime, një sipërmarrje streaming e përbashkët midis Comcast dhe Paramount Global, ka vendosur të zgjerohet drejt 8 shteteve të reja, ndër të cilat gjenden dhe shtetet e Kosovës dhe Shqipërisë.
“Brenda vetëm 5 muajsh, SkyShowtime është lançuar në më tepër se 20 tregje në Evropë.” tha CEO i SkyShowtime Monty Sarhan. “Unë jam shumë krenar për të gjithë ekipin që ka punuar kaq shumë për ta bërë këtë gjë një realitet. Ne jemi tepër të përkushtuar ndaj këtyre tregjeve dhe tepër të gëzuar për t’i sjellë klientëve të rinj argëtimin që duan në çmimin që duan.”
Gjatë ditës së martë SkyShowtime ishte i aksesueshëm në Shqipëri, Kosovë, Çeki, Hungari, Maqedoninë e Veriut, Poloni, Rumani dhe Sllovaki. Fillimisht ky shërbim streaming u përhap në venet nordike si Danimarka, FInlanda, Norvegjia dhe Suedia, dhe më pas u bë i aksesueshëm në Hollandë, Portugali, Bosnje dhe Hercegovinë, Bullgari, Kroaci, Mali i Zi, Serbi dhe Slloveni.
SkyShowtime ofron ndjekjen e filmave premierë që transmetohen nga Universal Pictures dhe Paramount Pictures, si dhe përmbajtje ekskluzive familjare ose për fëmijë. Të pranishëm janë dhe filmat vizatimorë nga Nickelodeon, DreamWorks Animation, Paramount+, Showtime, SkyStudios dhe Peacock.
Gjatë kohëve të fundit kompania zbuloi se kishte arritur një marrëveshje me HBO për transmetimin e 21 serialeve origjinale nga HBO Max në Evropë.
