Google ka prezantuar versionin e parë të Developer Preview të Android 14 për pajisjet Pixel. Para se ju të nxitoni dhe ta instaloni këtë version në pajisjen tuaj kryesore, duhet të dini se ky version është dizenjuar për zhvilluesit në mënyrë që ato të testojnë aplikacionet e reja, dhe nuk është ende i gatshëm për përdorim të përditshëm.
Për momentin mund të tregojmë se këto janë 3 përmirësimet kryesore që do të vijnë me Android 14.
Përshtatja në ekrane të mëdha
Google tregon se Android 14 do të jetë më i përshtatshëm për ekranet e mëdha, duke ndjekur hapat e Android 12L dhe Android 13. Pritet të përmirësohet eksperienca e aplikacioneve në ekrane me madhësi të ndryshme, si dhe shërbimi multitasking.
Personalizimi
Në Android 14, Google po thekson rëndëisnë e personalizimit individual, pra do ta bëjë më të thjeshtë që zhvilluesit t’i lejojnë përdoruesit të zgjedhin gjuhën e tyre të preferuar në aplikacione të caktuara si dhe të mbështeten termat e ndryshme të përdorura në lidhje me gjininë.
Jetëgjatësia e baterisë
Në dokumentat e prezantuara mbi Android 14 Developer Preview, Google shpjegon me detaje teknike të shumëta se si proçeset në sfond janë dizenjuar për të optimizuar performancën e aplikacioneve, duke e bërë software-in më efiçient kundrejt energjisë.
Me pak fjalë bateria e smartphone-ve tuaj duhet të zgjasë për një kohë më të gjatë.
