Ne kemi dëgjuar shpesh herë nga njerëz të ndryshëm që thonë “smartphone-i më ka dëgjuar kur po flisja, pasi më ka shfaqur një reklamë për një gjë ekzakte që po flisja.”
Smartphone-t nuk janë duke regjistruar bisedat që ne bëjmë dhe t’i ngarkojnë ato në një server të veçantë. Në fakt mund të regjistrohen vetëm fjalitë e shkurtra që ju thoni pasi aktivizoni asistentët virtualë, mirëpo nuk janë këto regjistrime që shpjegojnë arsyen se përse reklamat e personalizuar shfaqen në smartphone-in tuaj.
Është me të vërtetë e pabesueshme se sa e thjeshtë është për reklamuesit që të bëjnë parashikime mbi produktet që ju jeni të interesuar. Ato shikojnë trendet më të fundit dhe i bashkojnë ato me informacionet që kanë rreth jush, si vendndodhja, historia e kërkimit, rutina e përditshme dhe më tepër për të gjeneruar rekomandime.
Regjistrimi i bisedave tuaja nga aplikacione të ndryshme është me të vërtetë jo dhe aq i përshtatshëm. Nëse kjo gjë do të ndodhte, bateria e smartphone-ve tuaj do të shkarkohej shumë shpejt si dhe interneti në planin tuaj mujor do të shpenzohej sa hap e mbyll sytë.
Prandaj mbyllja me ngjitëse e mikrofonit të smartphone-it tënd nuk do të bëjë të mundur shmangien e këtyre reklamave. Ju mund të keni shumë dëshirë që reklamat e personalizuara të mos ju shfaqen më në smartphone, por në të vërtetë nuk keni shumë mundësi veprimi, pasi jetojmë në një botë të mbushur plot reklama.
