Një raportim i ri nga Ember tregon se era dhe dielli ishin burimi kryesor i energjisë në Evropë, duke lënë pas të gjitha burimet e tjera për herë të parë në histori. Të dyja këto burime së bashku ofruan 1/5 (22.3%) e elektricitetit të përdorur në Evropë gjatë 2022, duke lënë pas energjinë bërthamore (21.9%)dhe atë të gjeneruar nga gazi (19.9%).
Shtimi në numër rekord i paneleve diellore dhe turbinave të erës gjatë 2022 ndihmuan europianët që të përballonin një krizë mjaft të madhe të krijuar nga kufizimet e vendosura ndaj furnizuesve rusë të gazit si dhe mungesa e reshjeve.
“Një thatësirë që ndodh njëherë në 500 vite goditi Evropën dhe çoi në uljen e niveleve të ujit në hidrocentrale. Pati gjithashtu probleme në centralet bërthamore në Francë dhe Gjermani.” tha drejtuesi i këtij raporti Dave Jones.
Rënia me 83% e energjisë së siguruar nga hidrocentralet u rikuperua nga turbinat e erës dhe panelet diellore. Në vitin 2022 gjenerimi i energjisë nëpërmjet paneleve diellore u rrit me një shifër rekord prej 24%, duke kursyer kështu €10 miliardë që do të nevojiteshin për blerjen e gazit.
Pritet që dhe përgjatë këtij viti të ketë një rritje të energjisë së gjeneruar nga panelet diellore dhe turbinat e erës, gjithashtu dhe të energjisë së gjeneruar nga hidrocentralet dhe centralet bërthamore.
